Гостиницы в Алматы
2016-04-04 14:29:50 1221 0

Қарақатқа көйлек сыймай қалды

Әнші Қарақат Әбілдина жолдасы Қыдырәлі Болманов екеуінің Алматыда өткен жеке концерті кезінде болған шытырман оқиға жайлы айтып берді. Бұл туралы ол Инстаграмдағы жеке парақшасында баяндады. Алматы әкімшілігі екі өнерпаздың шығармашылық концертін Алматы қаласының туған күніне орай келтіргендіктен дайындыққа бар-жоғы 17 күн беріліпті. Сондықтан аяқ-асты дайындалған кеш шытырмансыз өтпеген. "Концерттің барысында неше түрлі қызықтар болып жатады ғой, "Мені құртқан көк шолақ" демекші, мені құртқан көк көйлектің қызығымен бөліскім келіп тұр" - деп жазды Қарақат Әбілдина.

"12 кг салмағы бар бұл көйлекті белгілі дизайнер Наиль Байкучуков бірде бір шақтап көрусіз Бішкектен концерттің басталуына 15-ақ минут қалғанда әкелгенде және оның 2 размерге үлкен екенін білгенде бір шок алсам, концерттің барысында көйлек ауыстыратын кезде мүлдем киілмей денеме жабысып қалғанда екінші рет шок алдым". Тығырықтан шығуға кеш жүргізушісі Тұрсынбек Қабатов көмектесіпті. "Қыдекеннің әні аяқталды, енді сценарий бойынша мен шығуым керек еді, мен сахна сыртында көк көйлекпен алысумен болдым. Осы кезде Тұрсынбекке рақмет, сахнаға шығып, сценарийден тыс Қыдекеңмен әңгіме жүргізіп, білдірмей жіберді" - дейді Қарақат.

Белгілі дизайнердің көйлегін Қарақатқа кигізуге 10 қыз көмектесіпті. Бірақ ыңғайсыз киілгендіктен сахнада өзін еркін ұстай алмаған көрінеді. "Залға түсуіміз керек болатын, оған шынымды айтсам, залға түспек түгілі сахнада әрең қозғалдым. Осындай қолайсыз жағдайды көзі қырағы көрерменнің біразы байқап қойған сияқты" - дей келе әнші өнер адамдарының өмірі осыған ұқсас жағдайлармен-ақ қызық екенін айтты.

Қарақат Әбілдинаның "Бенефис-шоудағы" түрлі образдары жайлы мына жерден оқи аласыз.

Пікір жазу