Әнші Рано Омарова ұлды болды

Нәзік дауысымен танылып, өзін актерлік қырынан да сынап көрген Рано Омарова бүгін тұңғышын өмірге әкелді, - деп хабарлайды Baistars.kz.

Сүйінші хабарды әлеуметтік желілерде әріптестері Дильназ Ахмадиева мен Мақпал Исабекова жазды.

Алматы қаласының перзентханаларының бірінде жатқан әншіні әріптестері мен туған-туысқандары жарыса құттықтап жатыр. Жүктілік кезінде жынысын анықтамағандықтан, әзірге сәбидің есімі қойылмаған.

Айта кетейік, Рано Омароваға осы жылдың 5 наурызында сырға салынған. Ұзату мен үлкен тойдың болған-болмағаны белгісіз. Әнші жеке өмірін әрдайым құпияда ұстап келеді.

Кішкентайдың бауы берік болсын дейміз!