"Мюзикола" тобының солисті Болат Сыздықов дүниеден озды

Қазақстанға белгілі гитарист, композитор, "Мюзикола" тобының солисті Болат Сыздықов дүниеден озды, деп хабарлайды baistars.kz

Болат Сыздықов осыған дейін "Гүлдер" ансамблінде, "А-Студио" тобында өнер көрсеткен. 1992 жылы гитарист Карина Абдулинамен бірге "Мюзикола" тобын құрды.

Естеріңізге сала кетейік, Болат Сыздықов 2012 жылы  Қазақстан Республикасының Президентінің жарлығымен Қазақстан Республикасының еңбек сіңірген өнер қайраткері атағын алған.

Биыл өнер иесінің 60 жасқа келер шағы екен. Біз Болаттың жақындарына көңіл айтып, жаны жәннәтта болсын дейміз!