ХАЛЫҚТЫҢ СҮЙІКТІСІ БАЛУАН ШОЛАҚТЫ ӨЗГЕ ҚЫРЫНАН БІЛГІҢІЗ КЕЛСЕ

Бүгін М.Әуезов атындағы драма театрында көрнекті жазушы-драматург, Қазақстан Республикасы Мемлекеттік сыйлығының лауреаты Дулат Исабековтің шығармасы негізінде қойылатын «Жаужүрек» спектаклін тамашалай аласыздар.

Қойылым, халқының сүйіктісі Балуан Шолақ (Нұрмағамбет) жайлы. Сері қойылымда жары Балқаш, ғашығы Ғалия, тұтқын жас қыз Татьянаның жүрегін жаулаған еркіндіксүйгіш Балуан күрескер, көзі ашық, көкірегі ояу тұлға ретінде бейнеленеді.

Шұрайлы жерінен, еркіндігінен айырыла бастаған сәтінде халқының мүддесін қорғап, тәуекелге бас тіккен күрескер ретінде біле аласыздар.

Шынайы теңдік, бостандық жоқ жерде шынайы махаббат, бақыт жоқ. Ел азат болмай – ер азат еместігін алға тартатын қойылымның кеңістігі үлкен болмақ.