Семей жерінде дүниеге келген футболшы бұған дейін Ресей не Бельгия құрамасы сапында ойнаймын деп сенделіп жүрген еді. Енді 22 жастағы футболшы нақты шешімге келіпті.
"Осы уақытқа дейін менің тарапыма кереғар пікірлер көп айтылған. Басылымдар да, жанкүйерлер де мені талай сынады. Мен ол кезде "Стандарт" клубы тиесілі еді. Сол үшін бельгиялық клуб президентінің айтқанымен жүріп келдім. "Астанада" да дәл солай болды. Бұл футболдағы қалыпты жағдай. Қазір менің ешкімнің алдында, ешқандай міндетім жоқ. Бұл шешімді қабылдар алдын алдымен әке-шешеммен ақылдастық. Содан кейін Қайрат Боранбаевпен кеңестім. Сөйтіп, мен Қазақстан құрамасы сапында өнер көрсетемін деген шешімге келдім. Менің анам Қазақстанның азаматы, ал әкем Ресей азаматы. Бірақ барлығымыз Қазақстанда дүниеге келгенбіз. Демек менің Қазақстан құрамасы үшін ойнауға құқығым бар. Егер мені алдағы уақытта Қазақстан құрамасына шақыратын болса, мен жан-тәнімді беріп ойнаймын", - дейді Жуков.
2014-2015 жылдары Жуков "Астана" сапында ойнап жүрген кезде ұлттық құрамаға сол кездегі бас бапкерлері Мирослав Беранек пен Юрий Красножан бұл футболшыны шақыртқан еді. Алайда, Георгий Қазақстан құрамасы үшін ойнаудан бас тартқан болатын.
"Қайрат" клубының президенті Қайрат Боранбаев Георгий Жуковты команда қатарына "ұлттық құрамаға ойнайсың" деген талаппен шақырған болатын. Футболшы негізі сол кездің өзінде бұл шартпен келіскен. Алайда бүгін бірінші рет ресми түрде өзі ойнайтынын растады.
Георгий Жуков "Қайрат" қатарына ресейлік "Уралдан" келіп қосылды. Ол бұған дейін Бельгияның "Стандарты" мен "Астана" қатарында өнер көрсеткен.
Семей жерінде дүниеге келген футболшы бұған дейін Ресей не Бельгия құрамасы сапында ойнаймын деп сенделіп жүрген еді. Енді 22 жастағы футболшы нақты шешімге келіпті.
"Осы уақытқа дейін менің тарапыма кереғар пікірлер көп айтылған. Басылымдар да, жанкүйерлер де мені талай сынады. Мен ол кезде "Стандарт" клубы тиесілі еді. Сол үшін бельгиялық клуб президентінің айтқанымен жүріп келдім. "Астанада" да дәл солай болды. Бұл футболдағы қалыпты жағдай. Қазір менің ешкімнің алдында, ешқандай міндетім жоқ. Бұл шешімді қабылдар алдын алдымен әке-шешеммен ақылдастық. Содан кейін Қайрат Боранбаевпен кеңестім. Сөйтіп, мен Қазақстан құрамасы сапында өнер көрсетемін деген шешімге келдім. Менің анам Қазақстанның азаматы, ал әкем Ресей азаматы. Бірақ барлығымыз Қазақстанда дүниеге келгенбіз. Демек менің Қазақстан құрамасы үшін ойнауға құқығым бар. Егер мені алдағы уақытта Қазақстан құрамасына шақыратын болса, мен жан-тәнімді беріп ойнаймын", - дейді Жуков.
2014-2015 жылдары Жуков "Астана" сапында ойнап жүрген кезде ұлттық құрамаға сол кездегі бас бапкерлері Мирослав Беранек пен Юрий Красножан бұл футболшыны шақыртқан еді. Алайда, Георгий Қазақстан құрамасы үшін ойнаудан бас тартқан болатын.
"Қайрат" клубының президенті Қайрат Боранбаев Георгий Жуковты команда қатарына "ұлттық құрамаға ойнайсың" деген талаппен шақырған болатын. Футболшы негізі сол кездің өзінде бұл шартпен келіскен. Алайда бүгін бірінші рет ресми түрде өзі ойнайтынын растады.
Георгий Жуков "Қайрат" қатарына ресейлік "Уралдан" келіп қосылды. Ол бұған дейін Бельгияның "Стандарты" мен "Астана" қатарында өнер көрсеткен.
