Тәуелсіздік күні қарсаңында ҚР Президенті Нұрсұлтан Әбішұлы Назарбаевтың Жарлығымен елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі және белсенді қоғамдық қызметі үшін азаматтардың үлкен бір тобы мемлекеттік наградалармен салтанатты түрде марапаттады.
Марапатталған құрметті азаматтардың қатарында әдебиет және өнер саласындағы бірнеше азаматтар бар. Атап айтсақ танымал театр және кино актері, М.Әуезов атындағы Қазақ мемлекеттік академиялық драма театрының көркемдік жетекшісі А.Әшімов I дәрежелі «Достық» орденінің иегері атанды. Осы орайда Елбасы: «Асанәлі Әшімовтей тұлғаларды жас буынға ұлт зиялысы ретінде үлгі етуіміз керек»,-деді.
Сондай-ақ, талантты актер Азамат Сатыбалды, әнші Меруерт Түсіпбаева, композитор Медет Салықов, «Бәйтерек» тобының әншісі Сайлау Камиев сынды өнер жұлдыздарына «Қазақстанның еңбек сіңірген қайраткері» құрметті атағы берілді. Сонымен қатар, әнші Саят Медеуов ҚР Мәдениет және Спорт Министрлігінің Жарлығымен «Мәдениет саласының үздігі» атанды. Ал талантты әнші, «Серпер» сыйлығының иегері Тамара Асар 12 желтоқсан күні «Құрмет» орденімен марапатталды.
Суреттер әлеуметтік желілерден алынды
Жүктелуде ...
0 пікір