Бүгін еліміздегі ең ірі «X Factor» атты музыкалық жобаның 5-маусымы аяқталып, өз мәресіне жетті. Танымал жобаның кезекті жеңіпмазы анықталды. Жеңіс Қазақстанның еңбек сіңірген әртісі Нағима Есқалиеваның жетекшілігінде болған Евгений Выбловке бұйырды.
Евгениймен қатар финалға «Z» тобы және Оксана Устина өткен болатын. Алайда Оксана Устина алдыңғы бағдарламада жобамен қош айтыстып, бүгінгі гранд-финалда «Z» тобы мен Евгений Ваблов бақ сынады. Жеңімпаз әдеттегідей дауыс беру нәтижесі бойынша анықталды. Нәтижесінде Евгений Выблов басым дауысқа ие болып, жеңімпаз атанды. Евгений Выблов 5 миллион теңге көлемінде ақшалай сыйлық пен «Еуразия» арнасымен бірігіп жұмыс жасау келісімшартына отырды. Сертификатты жеңімпазға арнайы «Еуразия» арнасының директоры табыс етті.
Гранд-финалда қатысушылар үш әннен орындады. Яғни, ең алғаш іріктеу кезеңінде айтқан, қазіргі эстрада әндері және өнер жұлдыздарымен дуэтте ән орындап шықты. Евгений Выблов әнші Лидомен бірге өнер көрсетті. Ал «Z» тобы өздерінің алғашқы жетекшілері болған әнші Дильназ Ахмадиевамен дуэтте ән айтты.
Евгений Выблов Өскемен қаласының тумасы. Бала күнінен Өскемен қаласының «Үміт» балалар үйінде тәрбие алған. Мектеп бітіргеннен кейін жоғарғы оқу орнына түсіп, музыкалық факультетте білім алды. Жоғарғы оқуын аяқтаған соң, өзі шыққан балалар үйіне тәрбиеші болып жұмыс істеуге қайта оралды. Өз кезегінде Евгений жанкүйерлеріне әлеуметтік желіде: «Спасибо, что вы со мной! Я очень надеюсь, что вы голосуете за меня не потому, что я парень из детдома и что вам просто жалко меня»,-деген еді. Сонымен қатар, жеңімпаз жетістіктеріне туған анасындай болып кеткен балар үйінің директоры Майра Бейсеқанованың арқасында жеткенін айта отырып, алғысын білдіреді. Айтуынша Евгенийдің бойындағы талантын Майра Бейсеқанова ең алғаш болып байқап, биіктерден көрінуіне себепкер болған екен.
Евгений Выбловты бүгінгі жеңісімен құтықтаймыз!
0 пікір