Сән 2015: Denim

Сән әлемінде әр мезгіл сайын жаңа сән тенденциялары мен ескі стильдер  жаңа үлгіде қайта сәнге оралады. Сондай-ақ ешқашан сәннен шықпайтын киім үлгілері бар. Соның бірі әлемге кең тараған деним киімдер.

Деним – жеңіл, тығыз мақта-мата кездемесі. Деним джинсы киімдер жасауда қолданылатын қымбат мата түрі. Денимнің негізгі түсі “индиго” (күңгірт көк түс). Қазіргі кезде ақты-көкті түсі де бар.

Деним киімдердің ерекшелігі барлық түспен, киімдермен әдемі үйлеседі. Prada, Stella McCartney, Burberry Prorsum, Gucci, Tod’s т.б сәнгерлер 2015 жылғы сәнді киімдер коллекциясында денимнің жаңа үлгілерін көрсетті. Ендеше коллекцияға кірген киімдермен таныстырып өтейік.

Ең сәнді деп аталған деним образдар:

Denim + Denim

Деним шалбар(немесе белдемше,шорты)ды деним жейде, пиджактармен бірге киген күнделікті(casual) стильді бейнелейді. Сондай-ақ, осы образда құрбылармен отыратын кешкілік жиындарға баруға болады. Екеуі де бірдей түсті болуы міндетті емес.

Denim көйлек

Деним сарафандар мен көйлектер осы жылдың сәнді трендінің бірі.

Denim пиджак

Үлкен өлшемді (oversized) және түрліше сәнделген деним пиджактар қай стильде болсын, образды айрықша сәнді көрсетеді.

Patchwork Denim

Patchwork — құрақ(жамау) – деним киімдерді сәндеудегі ең қарапайым әрі сәнді үлгі. Деним киімдерді суреттер, түрлі ұрандар(сөздер), затбелгілермен сәндеу пэтчуорктың танымал түрлері.