“V-Alem” тобының мүшесі Ерден Жақсыбеков әке атанды.
Шаңырақ көтергеніне жуырда екі жыл болатын әншіге жары Динара ұл сыйлады. Көпшіліктен қуанышты хабардың сүйіншісін Ерденнің әріптесі, “V-Alem-дік” Жалын Тілеуберген инстаграмда сұрап үлгерді. Тұңғыш рет әке атанған әншіге хабарласып, қуанышымен құттықтадық. Ол, ерекше сезімді бастан кешіп тұрғанын жасырмады.
Бөбектің есімі әзірге белгісіз. Ерденнің айтуынша, баланың атын ата-әжесі қояды. «Таңдау өздерінде болғанымен, жарымыз екеуміздің де көңілімізге қарап, ортақ шешімге келеміз ғой»,- дейді әнші. 3 келі 400 грамм сәбиді дүниеге әкелген Ерден Жақсыбековтың жары да өнер ауылынан алыс емес. Т.Жүргенов атындағы Қазақ Ұлттық Өнер Академиясын тәмамдаған актриса.
Ерден – Оңтүстік Қазақстан облысының тумасы. Т.Жүргенов атындағы өнер академиясының түлегі.Негізгі мамандығы- музыкалық-драма актері. Бала кезінен ерекше дауысымен көпке танылып, талай байқауларда топ жарды. Хабар арнасындағы «Жұлдызды дода» шоуының ІІ маусымының жеңімпазы. Карьерасын жеке орындаушылықпен бастаған ол, қазір әнші, продюсер Алмас Кішкенбаевтың жетекшілігіндегі «V-Alem» тобының әншісі.
«Baistars.kz» ұжымы бөбектің бауы берік, еліміздің үлгілі азаматы болсын деген тілегін білдіреді.
Гулжайна
16.04.2015 , 22:31
Алма алма агашынан алыска куламайды демекши ,дуниеге келген сабидин бауы берик болып журегинде иманы ,бойында кураны ,жузинде нуры бар халыктын улкен жанашыр азаматы болып өсуди Аллах насип етсин Инш Аллах!