Батырхан Шүкенов Ресейдегі «Один в один» шоуына қатысады

Батырхан Шүкенов «Россия-1″ телеарнасының атақты «Один в один» шоуының үшінші маусымына қатысады, — деп хабарлайды Tengrinews.kz тілшісі.

Орындаушының директоры Олжас Байқановтың айтуынша, шоуға қатысушылардың дайындық жұмыстары басталып кетті, ал шоудың алғашқы шығарылымдарын телеарна эфирінен ақпан айынан бастап көруге болады. Айта кетейік, «Один в один» шоуы — белгілі бір адамдардың кейпіне ену жобасы, бұл шоуда атақты адамдар бұрынғы және қазіргі әйгілі музыканттарды сомдап, олардың стилін толықтай қайталайды, сонымен қатар олардың қозғалу мақамынан бастап дауысының тембріне дейін келтіреді. Шоу қатысушыларының өзгеруіне кәсіби ұстаздар мен тәлімгерлер және жоба үшін арнайы құрастырылған грим көмектеседі. Шоудың екінші маусымында Виталий Гогунский жеңіп шықты, ал екінші орынға Вадим Казаченко ие болды.

Еске сала кетейік, Батырхан Шүкенов ресейлік «Живой звук» шоуының көктемгі маусымына қатысып, жеңімпаз атанған болатын. Жоба барысында жұлдыздар кеңінен тараған әндерді караокеде шырқады, әндер олар үшін кездейсоқ әдіспен таңдалды. Жоба барысында Батырхан Шүкенов «Дождь», «Самба белого мотылька», «Я спросил у ясеня», «Выпьем за любовь», «Звезды в лужах» әндерін орындады.

Білім және Мәдениет