Қайрат Нұртас мешіт салмақ

Әнші Қайрат Нұртас мешіт салмақ. Бұл туралы «Қазақстан» Ұлттық арнасының «Дара жол» бағдарламасына қонаққа келген Қайраттың досы Ринат Баситов айтып берді.

«Қайрат біреудің бір жақсылығына мың жақсылық жасайтын адам. Келер жылы ауылға мешіт салсам деген ниеті де бар», — деп Р.Баситов Қайраттың имандылығы жайлы сырымен бөлісті.

Көптеген эстрада жұлдыздары айтып жүргендей, Қайрат Нұртас кез-келген адаммен етене араласып кетуге дайын тұрады екен. Мұны Ринат досы да растады.

«Мен Қайраттай досымның бар екенідігіне өкінбеймін. Оның жүрегі нәзік, таза. Адамдармен өте жақсы араласа алады», — деп досының адамгершілігі жайлы айтып өтті.

Айта өтейік, Қайрат Нұртас өткен сенбі күні отбасы және достарымен бірге «Қазақстан» Ұлттық арнасында белгілі журналист Дана Нұржігіт жүргізетін «Дара жол» бағдарламасына қонаққа келген болатын.

Ақпарат: www.baq.kz