Бірнеше күн бұрын «Мақпал Исабекова той көйлегін таңдап жүр» деп жаһанға жар салған едік. Олай деуімізге басты себеп — оқырманымыздың хабарласуы болды. Елордада, жалғыз өзі қалыңдық көйлегін іздеген әншіден мәселенің мән-жайын сұрап көрдік.
Мақпал Исабекова бұл оқиғаны жоққа шығармады. Яғни, оның дәл сол жерде көйлек киіп көргені — рас. Алайда тұрмысқа шығу емес, түсірілім үшін ғана.
«Қазақстан» ұлттық арнасы оны «Бүгін жексенбі» бағдарламасына қонаққа шақырған. Ал тақырып той маусымы жайында болыпты. Мақпал қалыңдық көйлегін хабар тақырыбын ашу үшін таңдаған.
Бұған дейінгі сұхбаттарының бірінде әнші тұрмыс құруға асықпайтынын айтқан. «Тәңірдің қалауымен, бұйырған кезде барлығы да болар. Бірақ қазір көңіл жарастырған адамым бар. Бастысы – өнерімді бағалайды, жұмысымды қатты қадірлейтінімді біледі», — деген еді.
Жуырда ғана жыр болған «той көйлегі» жайлы сұраған кезде: «Болашақ жар болатын жігітті кездестірмедім»,- деген жауап алдық.
Елдің ерке қызының қай уақытта бір отбасының ұйытқысы боларын білмесек те, шығармашылығына шыңдалу тілейміз.
Facebook
Twitter
Instagram
ВКонтакте
YouTube
RSS