Елдос Жұмақан жартылай финалға шықты

66 келі салмақта күресетін Елдос Жұмақан әлем чемпионатының жартылай финалдық кезеңіне шықты.

Өзінің төрт кездесуінде де таза жеңіске қол жеткізіп, алдымен кипрлік Андреас Крассосты, одан кейін тунисиялық Хусем Халфауиді, ұлыбританиялық Колин Оатс ұтса, жартылай финал жолдамасы үшін Азия мен Азия Ойындарының чемпионы моңғолиялық Тумурхулег Даваадоржты өтті.

Естеріңізге сала кетеміз, әлем біріншілігінің екінші күнінде татамиге шыққан төрт қазақ спортшыларымыздың біреуі ғана қалды. Азамат Мұқанов пен Олеся Куценко жарыстың бірінші айналымында ұтылса, Ленария Мингазова үшінші айналымда 2013 ж. әлем чемпионатының күміс жүлдегері Миранда Эрикаға ұтылды.

Жартылай финалдық кездесулер сағат 17.00-де басталады.