шұлық жайлы 10 ақиқат

Салқын түсісімен әйел атаулының барлығы дерлік шұлық таңдауға кіріседі. Сапасы мен сәні келіскен шұлықты табудың өзі өнер дерсің. Себебі, арзанқол шұлықтардың ғұмыры көпке жетпей, мазамызды алып жатады. Белдемше мен көйлектің стиліне үйлесімді киілген шұлықтың маңызы зор. Бүгінгі мақаламыз шұлықты дұрыс таңдап, жарасымды етіп киюіңізге көмектеседі деген сенімдеміз.

1. Қара түсті шұлықтар – сырт көзге аяғыңызды ұзартады, ал ашық реңкті шұлықтар сәйкесінше – қысқартып көрсетеді!

2. Селдір шұлықтар биік өкшелі аяқкиіммен үйлесімді көрінеді, жәй табанды балеткалармен жараспайды.

3. Арзанқол шұлықтардың тігісі киімнің астынан білініп тұрады. Сондықтан, шұлықты сатып аларда тігісіне баса назар аударғаныңыз жөн.

4. Соңғы кездері сәнге айналған - тігісі бойлай орналасқан, қара түсті шұлықтарды киерде абай болыңыз! Бойлық тігісті шұлықтарды аяғы "оқтаудай түзу" қыздарға ғана киюге кеңес береміз. Себебі, мұндай шұлықтар аяғыңыздың барлық кемшіліктерін айқындап, ұтымды көрінбейді.

 

5.Сандалий мен алды ашық жеңіл аяқкиімдерді шұлықпен киюдің өзі – талғамсыздықтың белгісі!

6.Шұлықтың сан аймағында ірі принттер немесе тігістер болса, сырт көзге саныңызды толықсытып көрсетеді.

7.Шұлықтардың түсі аяқкіммен реңдес болса, аяғыңыз біршама ұзын көрінеді.

8. Шұлықтардың құрамындағы лайкраның максималды үлесі – 30 % ғана. Сыртқы қаптамасында одан көп пайыз көрсетілен болса, онда ол жасанды сапасыз дүние.

9. Сапалы, таза фирмалық шұлықтардың хош иісі болады.

10. Шұлықтардың қызметі ұзаққа жетсін десеңіз – 30 градустан аспайтын суда, қолмен ғана жуу керек.