Гостиницы в Алматы
2017-05-10 10:45:19 15 0

Қазақстандық Геннадий Головкин (37-0, 33 KO) мен мексикалық Сауль «Канело» Альварес (49-1-1, 34 KO) арасындағы жекпе-жекті өз жерінде өткізуге әлемнің сегіз спорт кешені ұсыныс білдірген.

Олардың ішінде Лас-Вегастағы, Нью-Йорк қаласында орналасқан Madison Square Garden және Далластағы AT&T Stadium стадионы секілді танымал спорт кешендері бар. АҚШ-тан бөлек Ұлыбритания астанасындағы «Уэмбли» және Мехиконың «Ацтек» стадиондары да бұл жекпе-жекті қабылдауға дайын.

Golden Boy промоутерлік компаниясының иесі Оскар Де Ла Хойяның айтуынша кездесуді БАӘ-де өткізуге ұсыныс түскен.

«Маған алдымен Дубайдан, артынша Ұлыбританиядан қоңырау шалды. Бұл жекпе-жекке бүкіл әлем қызығушылық танытып отыр. Келіссөздер басталғанда бұл мәселе толықтай шешіледі», - дейді Де Ла Хойя.

Головкин - Альварес жекпе-жегі 16 қыркүйекте өтеді. Алайда қайда өтетіні әзірше нақты емес.

Пікір жазу