Головкин мен Джейкобс НБА ойынына қатысты

WBA (Super), IBO, WBC және IBF нұсқалары бойынша орта салмақтағы әлем чемпионы Геннадий Головкин және оның болашақ қарсыласы Дэниэл Джейкобс Нью-Йоркте өткен НБА тұрақты чемпионатының ойынына қатысты.

"Нью-Йорк Никс" пен "Нью-Орлеан Пеликанс" арасындағы матч Madison Square Garden алаңында өтті. Үзіліс кезінде танымал ринг-анонсер Майкл Баффер алаңға шығып, алда өтетін жекпе-жек туралы халықты құлақтандырып, Джейкобс пен Головкинді таныстырды.

Головкин-Джейкобс кездесуі 18 наурызда осы Madison Square Garden-де өтеді. Қазақстандық боксшы қазір болашақ жекпе-жекке дайындалу үстінде.