ИСА АҚБЕРБАЕВ УКРАИНАЛЫҚ ҚАРСЫЛАСЫН НОКАУТПЕН ЖЕҢДІ

Ресейдің Сочи қаласында ауыр салмақта WBA Asia West белбеуі үшін өткен жекпе-жекте 33 жастағы қазақстандық Иса Ақбербаев қарсыласы украиналық Юрий Барашьянді екінші раундта техникалық нокаутпен жеңді. Бұл жайында vesti.kz мәлімдеді.

WBA Asia West белбеуі Азия елдері және соларға жақын орналасқан мемлекеттер арасында ойнатылады.

Иса Ақбербаев кәсіпқой бокста барлығы 20 жекпе-жек өткізді. Оның 19-ында жеңіске жетсе, біреуі өтпей қалды. Ал украиналық 37 жастағы былғары қолғап шебері 28 жекпе-жекте қарсыласынан басым түссе, осымен 10-кездесуінде жеңіліс тапты.

Айта кетейік, 33 жастағы қазақстандық боксшы соңғы жекпе-жегін 2016 жылдың 24 қыркүйегінде неміс Майк Курцвейлге қарсы өткізіп, жеңіске жеткен болатын.