"Астананың" ойыншысы "Валенсияға" ауысады

"Астана" футбол клубының сербиялық жартылай қорғаушысы Неманья Максимович жақын арада "Валенсияға" өтетіні туралы мәлімдеді. Бұл туралы ол Сербияның B92 басылымына берген сұхбатында айтқан.

"Валенсияның ұсынысына бірден келісімімді бердім, себебі бұл - үлкен клуб. Маған еуропалық бірнеше ірі команда ұсыныс білдірген болатын, бірақ мен "Валенсияны" таңдадым. "Астанамен" шарт жарты жылдан кейін бітеді. Бес-алты күн ішінде жаңа клубқа өтіп қалуым керек", - дейді Неманья Максимович.

Осыған дейін жартылай қорғаушыға "Бенфика", "Ювентус" қызығушылық танытқаны туралы ақпарат тараған болатын.