Жамбыл облысының әкімі Бейбіт Ыстыбаевқа автокөлік кілтін тапсырды

Жамбылдық балуан Бейбіт Ыстыбаев қазақ күресінен өткен «Қазақстан барысы» турнирінде екінші рет еліміздің ең үздік балуаны атанғаны белгілі. Астанадағы республикалық «Сарыарқа» велотрегінде өткен сайысқа еліміздің мықты деген 32 балуаны қатысқан болатын.

Ақтық кезеңдегі тартысты күресте Бейбіт Ыстыбаев қызылордалық Руслан Әбдіразақовты айқын басымдылықпен ұтты. Елбасы Нұрсұлтан Назарбаев  жеңімпазға өз қолымен алтын тайтұяқ пен 150 мың АҚШ долларының түбіртегін табыстады.

Бүгін Жамбыл облысының басшысы Кәрім Көкрекбаев Бейбіт Ыстыбаевты кезекті жеңісімен құттықтады.
Облыс әкімі балуанның ұлттық спорт түрін дамытуға қосып жатқан салмақты үлесін атап өтіп, алдағы уақытта да спорттық табыстарға жетуіне тілектестік білдіріп, балуанға жаңа автокөліктің кілтін тапсырды. Ал жеңімпаздың бапкеріне ақшалай сыйлық берілді.

 

www.zhambyl.gov.kz