«Қайрат» капитаны Бауыржан Исламхан Таразда үйлену тойын өткізді

28 қарашада Таразда алматылық «Қайрат» футбол клубының капитаны Бауыржан Исламханның тойы өтіп жатыр, — деп хабарлайды Vesti.kz.

22 жастағы футболшының Еркежан Талғатбековаға 27 тамызда Еуропа лигасының аясында француздың «Бордо» командасымен болған ойыннан кейін үйлену туралы ұсыныс жасағаны айтылады. Қыркүйек айының ортасында Бауыржанның қалыңдығының ұзату тойы өткен болатын.

Футболшының 22 жастағы қалыңдығы Таразда туып-өскен. Биыл ол әл-Фараби атындағы Қазақ Ұлттық университетінің Филология, әдебиеттану және әлем тілдері факультетін қызыл дипломмен бітірген.

 

Фото instagram.com