Үй жағдайында беттегі дақтардан қалай құтылуға болады?

Көктем кезінде кейбір қыз-келіншектердің бетіне, маңдайына, мойнына сарғыш, қоңырқай түсті дақтар түседі. Ол жүктілік кезінде, бауыры, бүйрегі ауыратындарда, қаны аздарда, ішкі секреция бездері жұмысының бұзылуы және С дәруменінің жетіспеуінен пайда болады. Сондай-ақ ол бетке әртүрлі крем, сывороткаларды жаға беруден болуы да мүмкін. Жүкті әйелдің ағзасында никотинат, пантотенат, параминобензоат қышқылдары, рибофлавин және Р витамині азайып кетеді де, теріге дақ түседі. Мұндай дақтарды сол витаминдерді ішу арқылы жоюға болады.

Әдетте теріге дақ түссе, дерматолог, неврапотолог, эндокринолог, гинеколог дәрігерлер тексеріп, емдейді. Ал біздің сіздерге беретін кеңесіміз, үй жағдайында дақтардан қалай құтылу жайында болмақ:

 

• Көп келіншектер бетіне айран жағып, кепкен соң жуып тастайды. Бұл жақсы тәсіл. Бет терісін ағартқысы келетіндерге де айранды жағуға кеңес береміз.

Кешке бір стакан суға аздап лимон шырынын сығып, 2-3 лимон жапырақтарын салып қойса, таңертең сол сумен бетті жууға болады. Бұл тәсілдерді 2-3 ай бойы күнде немесе күнара жасап жүрсе өте жақсы нәтиже береді.

•  Жұмыртқа бет терісін нәрлендіріп, жұмсартады. Ол үшін шикі жұмыртқаны жарып, әбден араластырған соң бет пен мойынға жағыңыз да, 20 минуттан соң жуып тастаңыз.

Түймедақ

Жөке

 

Жалбыз

 

Лаванда

 

 

Түймедақ(ромашка), жөке (липа), лаванда мен жалбыздың (шалфей) әрқайсысынан 2 шай қасық алып, фарфор ыдысқа салады. Үстіне қайнаған суды ботқа тәрізді болғанша құйяды да, шөптің шырыны шыққанша жауып қояды. Жылы қоспаны қабаққа тигізбей бет пен мойынға жағып, 20 минут жата тұру керек.