Гостиницы в Алматы
2017-01-09 15:44:46 108 0

Абель Санчес: Головкин салмақ дәрежесін ауыстырады

WBA (Super), IBO, WBC және IBF нұсқалары бойынша орта салмақтағы әлем чемпионы Геннадий Головкиннің жаттықтырушысы Абель Санчес спортшының жақын арада басқа салмақ дәрежесіне өтетіні туралы мәлімдеді. Бұл туралы vesti.kz хабарлайды.

Санчестің сөзіне қарағанда, Головкин өзіне қызықты жекпе-жектерге қол жеткізу үшін 168 фунтқа дейін (76 кг) көтерілуі мүмкін екен.

"Головкиннің дұрыс жекпе-жек үшін 168 фунтқа дейін көтеріліп, кейін 160-қа қайта түсетінін елестете аламын. Жарты жылдан кейін 168 фунтқа өтіп, сол салмақта қалады деп ойлаймын. Үш жылдан кейін ол 168 бен 175 фунт арасында өнер көрсетуі мүмкін", - дейді ол.

Жаттықтырушы промоутер мен менеджерлердің Головкин карьерасы үшін қай салмақтың дұрыс болатынын қарастыратынын айтты. "Сонымен қатар мұндай өзгеріс біздің осы салмақта үлкен кездесулер ұйымдастыра алуымызға да байланысты болмақ", - деді World Boxing News-қа берген сұхбатында Санчес.

18 наурыз күні Головкин WBA-ның орта салмақтағы "тұрақты" чемпионы Дэниэл Джейкобспен кездесіп, атағын қорғайды.

Пікір жазу