ҚАЗАҚСТАНДЫҚ АУЫР АТЛЕТШІ АЗИЯ ЧЕМПИОНАТЫНДА «АЛТЫН» АЛДЫ

Қазақстандық Карина Құзғанбаева жасөспірімдер мен қыздар арасында 69 келіге дейінгі салмақ дәрежесінде ауыр атлетикадан Азия чемпионатында «алтын» жүлдені жеңіп алды. Бұл жайында ҚазАқпарат хабарлады. 16 жасар спортшы қыз қоссайыста 200 (90+110) келі көтеріп, ересек қатысушылар - 20 жасқа дейінгі юниорлар мен қыздар арасында үздік үштікке кіруге мүмкіндік берді.

Айта кететіні, Азия біріншілігі 24 шілде күні Катмандуда (Непал) басталды. Қазақстанның атынан аталмыш чемпионатқа 7 спортшы қатысуда. Жақында ғана Анатолий Савельев жастар арасында 62 келіге дейінгі салмақ дәрежесінде жеңіске жетіп, юниорлар арасында екінші орынды иеленген болатын.

Ал, бүгін Азия чемпионатының тұғырына бірден төрт қазақстандық спортшы шығады: Юниор Құмарбекова Гүлжан (75+/90+ кг, Б тобы)

Муптильда Айзада (90+ кг, А тобы)

Макеев Михаил (77 кг дейін, А тобы)

Бектай Асылжан (77 кг дейін, А тобы)