СПОРТШЫ ӘДІЛ ҚАСҚАБАЙ БУДАПЕШТТЕ СУДА ҚҰЛАШТАП ЖҮЗУДЕН ЖАҢА РЕКОРД ЖАСАДЫ

Будапештте су спорты түрлері бойынша әлемнің FINA біріншілігінде жүзгіш Әділ Қасқабай 100 метр қашықтықта құлаштап жүзуден 50 секундтық межеден де жылдам келіп, ұзақ уақыттан бері алғаш рет Қазақстан рекордын орнатты. Бұл туралы ҚР су спорты түрлері федерациясының баспасөз қызметі хабарлады.

Әділ өзінің бұрынғы 50,10 сек нәтижесін жақсартып, қашықтықты 49.81 сек уақытымен аяқтады. «Бүгінде қазақстандық кроль әдісімен жүзушілер үшін Әділдің нәтижесі – тарихи қадам. Осы 50 секундқа ұзақ уақыт бойы қол жеткізе алмай жүрген едік», - деді жүзу құрамасының бас бапкері Олег Вагизов.

Бас бапкердің айтуынша, Әділ бұл межені еңсерген. Қазіргі уақытта Әлем чемпионатына дайындық үшін жеті жасөспірімді жаттықтыру үшін іріктеп алған. Оның ішінде Дмитрий Баландин де бар.