Қазақстандық Геннадий Головкин әлемнің ең үздік бес боксшының қатарына кірді, деп хабарлайды Vesti.kz. Рейтингті боксқа арналған танымал Boxingnews24.com америкалық спорт порталы жасады. Геннадий Головкин бұл рейтингте бесінші орында тұр. ТОП-10 тізімінің басында Флойд Мейвезер-кіші тұр, ал одан кейін Владимир Кличко, Гильермо Ригондо және Мэнни Пакьяо тұр.
Басылым қазақстандық боксшының кәсіби рингте 31 кездесу өткізіп, барлығын, оның ішінде, 28 рет нокаутпен жеңгенін жазды. Айта кетейік, бұл кездесудің 13-і титулға таласу жекпе-жегі еді.
“Бұл жігіттің P4P аясында бірнеше жылға ТОП-3 қатарында болып, PPV-кездесулер (ақылы трансляциялар) өткізе бастайтынына сенімдімін. Рубионың Чавес-кішіге қарсы қалайша 12 раундқа дейін шыдағанын, Гилдың Баркер мен Штурмға қарсы 12 раунд шыдас бергенін көрдік. Маклиннің Мартинеске қарсы 11 және Штурмға қарсы 12 раунд қарсылық танытқанын көрдік, сонымен қатар Ишиданың Киркландты бірінші раундта нокаутқа түсіріп, Пол Уильямспен толық кездесу өткізгенін көрдік. Геннадий Головкин осы айтылған жігіттерді ауыр нокаутқа түсірді“, – деп жазады мақала авторы.
Facebook
Twitter
Instagram
ВКонтакте
YouTube
RSS