Қазақстанда жүйкесі сыр бергендерді Қайрат Нұртастың әндерімен емдей бастады

Қазақстанда дәстүрлі емес және дәстүрлі медицина  мамандары музыка көмегімен  түрлі ауруларды емдей бастады. Айтуларынша, ұлттық аспаптарда орындалатын туындылардың пайдасы зор.

«Көптеген логопедтер музыкамен емдеп жүр. Күн сайын екі сағаттан Моцартты тыңдасаң,  ақаудан арылуға  жеткілікті екені анықталды.  Осылайша балалық шағында актер Жерар Депардье кекештіктен арылған. Алдыңда өзің шеше алмай жүрген міндет бар дейік. Жай ғана Моцартты тыңдаңыз.  Көп ұзамай күрмеуі қиын мәселеңіз  шешімін табады. Бұл композитордың әуені мидың қабығына әсер етіп, адамның парасатын көтеріп, тылсым күш береді. Бұл ғылыми дәлелденген факті», – деді елордалық психолог Аяш Құрбаева.

Ал Қайрат Нұртастың əндерін пайдаланып, жүйкесі сыр бергендерді емдейді. Оның айтуынша, төмен дауыспен ән айтатын ер адамдардың композициясы науқастарға жақсы көмектеседі екен.

nur.kz