Қазақстан еркін күрестен Рио Олимпиадасына алғашқы лицензияны жеңіп алды

Лас-Вегаста күрес түрлерінен әлем чемпионаты аяқталды. Доданың соңғы күні еркін күрестен 57 келіге дейінгі салмақта белдескен қазақстандық Артас Сана 2016 жылы Рио-де-Жанейрода өтетін  Олимпиада ойындарына  жолдама алды. 

Артас Сана жұбаныш белдеуде болгариялық  балуан Вангеловты 7:0 есебімен жеңді. Ал қола медаль үшін өткен белдесуде моңғолиялық Бехбаяр Эрденебатпен кездесті. Нәтижесінде 5:0 есебімен жеңіс моңғол балуанына бұйырды.

Естеріңізге сала кетсек, осыған дейін Олимпиада лицензиясын грек-рим күресінен Досжан Кәртіков иеленген болатын. Ол жұбаныш кездесуінде 2014 жылғы Әлем чемпионы Арсен Жулфалакянды 5:0  есебімен жеңген.