Нұрлан Өнербаев шығармашылығын қайта қолға алды

"Жаңа жылға құрған біраз жоспарым бар. Көктемнен бастап республиканы аралап, жеке концерттерімді өткізсем деймін. Күзге қарай қорытынды концертті Алматыда не Астанада өткізермін деген ойым бар" - деді әнші "Ұлан" газетіне берген сұхбатында.

Әнші қазір депутаттық қызметінің мерзімі біткенін тілге тиек етті. Сол себепті ол жеке шығармашылығын қайта қолға алған.

Сонымен қатар, әнші әлеуметтік желіде отырмайтынын және егер тыңдармандары оны іздеген болса, инстаграм, фейсбуктен емес, концертімнен іздесін деп алда болатын концерттеріне шақырды.

Естеріңізге сала кетейік, Қазақстанның еңбек сіңірген әртісі 2008 жылы төртінші шақырылған ҚР Парламенті Мәжілісінде «Нұр Отан» ХДП тізімі бойынша депутаттық қызмет атқарды.