Гостиницы в Алматы
2017-10-31 17:46:38 111 0

ШҚО-ДА РЕСПУБЛИКАЛЫҚ АҚЫНДАР АЙТЫСЫ ӨТЕДІ

Шығыс Қазақстан облысының Көкпекті ауданы Көкпекті ауылында ақын Қалихан Алтынбаевтың 90 жылдығына арналған «Жыр тұнған Көкпектінің жағасында» атты республикалық ақындар айтысы өтеді.Бұл жайында ҚазАқпарат хабарлады.

«Республикалық ақындар айтысы 16 қарашада өтеді. Сөз додасына елімізге белгілі Ринат Заитов, Рүстем Қайыртайұлы, Серік Қуанған, Әсем Ережеқызы, Тоба Өтепбаев, Оңғар Қабден, Марат Ахметов, Нұрлыбек Құрманов, Манарбек Сатыбалды, Жасұлан Мақаев секілді ақындар қатысады. Айтысты Жүрсін Ерман жүргізеді. Айтыс аудандық Мәдениет үйінде сағат 14:30-да басталады.

Айта кетейік, айтыс ақыны Қалихан Алтынбаев республикалық айтыстардың жеңімпазы. 1927 жылы 27 қарашада бұрынғы Семей облысының Жарма ауданындағы Малай ауылында дүниеге келген. «Ақындар жыры» (1961), «Айтыс» (3 том, 1966), «Ақындар шықты айтысқа» (1969), «Қазақтың қазіргі поэзиясы» (1975) жинақтарының, «Дала бесік», «Қиял қанатында» жыр жинақтарының, «Қалбатау», «Ақсуат», «Көкпекті» танымдық зерттеу кітаптарының авторы.

Пікір жазу