Гостиницы в Алматы
2017-12-15 11:13:41 131 0

АЛМАТЫДА ҚАЗЫБЕК БИ ТУРАЛЫ ДЕРЕКТІ ФИЛЬМ ТАНЫСТЫРЫЛДЫ

Алматыда қазақтың ұлы биі, қоғам және мемлекет қайраткері Қазыбек бидің өмірі мен қоғамдық қызметі туралы деректі фильм таныстырылды. Қазыбек бидің 350 жылдық мерейтойына орайластырылған бұл деректі туынды «Болашаққа бағдар: рухани жаңғыру» бағдарламасы аясында түсірілген. Ұлттық кітапханада өткен таныстыру жайлы «Қазақфильм» киностудиясы жариялады.

Фильмнің сценарий авторлары әрі режиссерлері драматург, режиссер Ғазиз Насыров пен кинодраматург, өнертанушы Ерлан Төлеутай.

Фильмді түсіру барысында  Қытай мен Ресейдің мұрағатынан Қазыбек биге қатысты деректер мен ел аузындағы аңыздар қолданылған. Ал кейіпкерлерді еліміздің театр және кино актерлері сомдаған. Қазыбек бидің рөліне ҚР еңбек сіңірген қайраткері, актер, Керей хан рөлімен қалың көрерменге танылған Қайрат Кемалов шақырылған.

Сонымен қатар, фильмде Алдабек Шалбаев, Саят Мерекенов, Іңкәр Әбдіраш, Зарина Кәрмен және Абылай ханның ұрпағы Абылай Қашқынбаев та бой көрсеткен.

Пікір жазу