“Келинка Сабина 2” фильмінде Сабинаның қарсыласы пайда болады

Желіде “Келинка Сабина 2” фильмінің тизері жарияланды. Картинаның режиссері Нұртас Адамбай фильмді көктем мерекесіне орай, 17 наурызда ұсынуды жоспарлап отыр.

Тизермен бірге, Сабинаның егізі Әсел Бодамбаевамен де жарнамалық роликтер пайда болды.

Алдын-ала мәліметтер бойынша Жүгері ауылына Сабинаның қарсыласы (Қарлығаш Мұхамеджанова) келіп, айрандап ұйытып отырған отбасына іріткі салады. Оған қоса Сабина да пошташы жігіт Жәнібекке (Жандос Айбасов) көз сала бастайды. Осылайша, ауылға келін болып түскен қалалық қыздың шытырман оқиғалары жалғасын табады.

Актерлер құрамы аса өзгеріске ұшыраған жоқ. Басты рөлді - Нұртас Адамбай, құрбысы Алтыншашты - Айнұр Ілиясова, атасының рөлін - Ерлан Қасымжанұлы, енесінің рөлін - Тоқжан Таханова, ал күйеуі Жандостың рөлін - Есжан Хамидуллин сомдайды.