ЖАПОН БОКСШЫСЫ ГОЛОВКИНДІ ЖЕКПЕ-ЖЕККЕ ШАҚЫРДЫ

Орта салмақта WBA нұсқасы бойынша жаңа тұрақты әлем чемпионы Риота Мурата қазақстандық Геннадий Головкинді жекпе-жекке шақырды. Бұл жайында vesti.kz мәлімдеді.

Жапон боксшысы Токиода камерундық Хассан Н'Дам Н'Жикамды жеңгеннен кейін орта салмақта WBA (Super), IBO, WBC және IBF тұжырымдары бойынша әлем чемпионы атағына ие отандасымызбен жұдырықтасқысы келетінін айтқан.

«Орта салмақта менен де мықты боксшылар бар екенін жанкүйерлер біледі. Соның бірі – Геннадий Головкин. Мен оны жеңу үшін бар күш-жігерімді салатын боламын», - деді боксшы.

Айта кетейік,  Риота Мурата орта салмақтағы boxrec рейтингінде 17-орында келеді. 13 жекпе-жек өткізіп, 1 кездесуінде ғана жеңілген.