ТАЛАНТТЫ ДОМБЫРАШЫ ЗАМАНАУИ БАҒЫТТАҒЫ ШЫҒАРМА ҰСЫНДЫ

Бүгінгі таңдағы көптеген әлемдік хиттардың стилі moombahton/ future house стилі болса, елімізде бұл стильді домбыраға бірінші болып болып үйлестірген жас домбырашы Ерасыл Әділбеков. Бүгінгі күннің талабына сай музыка шығарған таланттың айтуынша дәстүрлі, классикалық күйлермен шығармалар оның жанына жақын екен.

Айгүл Үлкенбаева, Асылбек Еңсепов, Ержан Әлімбетов сынды аға-апаларынан үлгі алған домбырашының бүгінде эстрадаға қосқан үлесі Қаршыға Ахмедияровтың  "Той күйі", "Белес" күйлері.

Бала кезден өнер әлеміне үлес қосуды арман еткен Ерасылдың бүгінгі жаңалығы заманауи бағыттағы «FLY» шығармасы болмақ.

Айта кетейік, 1995 жылы Алматы қаласында дүниеге келген Ерасыл Әділбеков 2011 жылы музыкалық колледжді тәмамдаған. Қазіргі таңда Алматы қаласының Құрманғазы атындағы Қазақ ұлттық консерваториясының 3 курс студенті. 5 жасында басталған  домбыраға деген қызығушылығы, Ерасылды Испания, Италия, Финляндия, Ресей мемлекеттерінің байқауларының бас жүлдесін иемденуге жетелеген.