Дастан Оразбеков алдағы жоспарларымен бөлісті

Әншінің айтуынша «Сүйген жар» деп аталатын әнді ол бала кезінен тыңдап өскен. Нағашы атасы Түсіпбеков Алайдар мен әжесі Мұсаева Бәтия осы әнді үнемі орындап жүрген екен. Санасында жатталып қалған ән, Арман Дүйсеновтің студиясында күйсандықпен сүйемелдеген. Әннің сөзінде де әуенінде де әзірге өзгеріс енгізілмеген. Бірақ, қазір «Сүйген жар» әні өңделу үстінде.

Дастанның тағы бір жаңалығы «Көк аспан» атты бейнебаянын жуырда көпшілікке ұсынылады. Одан өзге бір әннің жазылып, бейнебаяны дайындалып  жатқанын да айтып қалды. Әзірге әннің аты таңдалмапты.

Сондай-ақ алдағы уақытта Алматы қаласының ЖОО-да тыңдармандарымен кездесу ұйымдастыру да жоспарында бар екен.

Сіздердің назарларыңызға "Сүйген жар" өлеңінің сөзін ұсынып отырмыз.

Клубта бүгін бір жиын

Баруға маған тым қиын

Сүйгенім онда болмаса

Басқаның маған бір тиын

Көгеріп өскен талдайсың

Бозарып атқан таңдайсың

Мен өзім сені ұнатам

Сен маған әлде қандайсың?

Ақ көйлектің ай жеңі тар

Жеңі ұшындай- ай xаты-ай бар

Хатын бір алып оқысаң

Сүйген жардың ай аты бар

Жар сөзімде-ай жалған жоқ

Айтылмай сөзім қалған жоқ

Сен өзің мені тарттың ғой

Сен бір магнит-ай мен бір тоқ....