Ләйлә Сұлтанқызы қалай арықтағаны жайлы, отбасы жайлы құпияларды ашты

Тележүргізуші Ләйлә Сұлтанқызы Инстаграм желісіндегі парақшасында оқырмандары жиі қоятын сұрақтарға жауап берді, деп хабарлайды Baistars.kz. Ол биыл қыста 39 жасқа толатынын және әлі де қыз бала босануды армандайтынын жасырмады. Және көпті мазалайтын сұрақ - қалай арықтағаны жайлы құпияны ашты. "Менің салмағым шынында да 86 кг болды. Қазір 61. Бұл нәтиже - тек дұрыс тамақтану мен спорттың арқасы. Байқасаңыз "идеал" емес. Өзіме ыңғайлы, әзірге. Әзірге дейтінім, артық бірнәрсе жесем таңертең таразыда бірден көрінеді. Сол себепті, аптасына 1 рет "разгрузка" жасаймын. Дұрыс жасамасаңыз, талып қалуыңыз мүмкін (өзімде жиі болған)" - деп жазды тележүргізуші.

"Балапан" арнасының директоры бес сағаттан артық ұйықтамайтынын және BMW X6 автокөлігін өзі айдайтынын айтты. Ал жеке өмірі жайлы: "Балаларымның әкесі бар. Өзі туралы айтқызбайды, мен де айтқым келмейді... Алдында отбасы болған. Өткенін құрметтеймін, балаларымен, келіндерімен араласамын. Әйел ретінде мен де тура сіздегідей проблема болады. Түсінбестік, ұрыс, реніш... Ақылмен шешуге тырысамын. Мен сүйемін, сүйіктімін де..." - деп сырын ашты.

Тележүргізуші, сонымен қатар, бет күтіміне ерекше мән береді екен. Ол ара-тұра биоревилитация, плазмалиффтинг жасатып тұрады. Ал ерінін үлкейткен емес.

Сонымен қатар, тележүргізуші сәуір айында екінші кітабы жарық көретінін айтып, жаңалықтың шетін ашты. Сол кітапта ол өмірі жайлы қызықты оқиғалармен бөлісемін деп уәде берді.