Көлік апатынан зардап шеккен Жігер Ауыпбаев жағдайы жайлы айтып берді

Көлік апатынан зардап шеккен Жігер Ауыпбаев қазіргі таңда денсаулығы жақсы екенін жəне дəрігерлердің бақылауында екенін хабарлады. Осыған дейін 8 ақпанда НТК арнасының "Ревю" бағдарламасына қонақ болып, "72 сағатта үйлену" фильмі жайлы әңгімелесу жоспарында болған. Әнші еш жоспарын өзгерткен жоқ, яғни ертең көрермендерімен қайта қауышпақ.

Сонымен қатар, 10 ақпанда өзі басты рөлді сомдаған "72 сағатта үйлену" фильмінің премьерасына да қатыспақ ниетте. Айта кетейік, фильм отандық кинотеатрларға 11 ақпаннан бастап жол тартады.

Естеріңізге сала кетейік, 7 ақпан күні "Меломен" тобы Алматыда жол көлік апатына ұшырады. Абырой болғанда, Жігер Ауыпбаевтан басқасына зақым келмеді. Жігер Ауыпбаев денесінің ауырсынуына байланысты ауруханаға жатқызылып, тексерістен өткен.