Қайрат Нұртас пен Ғаділбек армян әндеріне көз тіге бастады

Қазақ әншілерінің өзге елдің әндерін көшіруі тым жиілеп барады. Қырғыз әндерін көшіріп алуға құмар шоу-бизнес өкілдері енді армян әндеріне көз тіге бастады, деп жазады oinet.kz порталы.

Өткен жылы «Азия» тобы  11 жылдық алғашқы есеп беру концертінде Қайрат Нұртаспен бірге «Шағала қыз» атты жаңа әнді орындап, тұсауын кескен еді.

Оның түпнұсқасы жастар арасында танымалдылығы күн санап артып келе жатқан армениялық поп әнші Лилиттің орындауындағы GNCHU әні екен.

Белгілі эстрада жұлдызы Ғаділбек Жанайдың да “Ханшайымым” әні көшірме болып шыққанын біраз уақыт бұрын хабарлаған болатынбыз. Әннің түпнұсқасын  армян әншісі Рипсимэ Акопян орындайды. Туындының аты «Tarorinak» (Біртүрлісің) деп аталады. Ал бейнеклип 2012 жылы көктемде  жарық көрген.

Дереккөз: nur.kz