Гостиницы в Алматы
2018-01-19 13:22:12 148 0

«ҚАЗАҚФИЛЬМ» КИНОСТУДИЯСЫ «МҰЗБАЛАҚ» МУЛЬТФИЛЬМІНІҢ ТРЕЙЛЕРІН ЖАРИЯЛАДЫ

Ш. Айманов атындағы «Қазақфильм» киностудиясы «Мұзбалақ» атты толықметражды анимациялық көркем фильмнің трейлерін жариялады. Бүркіт пен адамның достығы туралы баяндайтын бұл мультфильм ҚР Мәдениет және спорт министрлігінің тапсырысы бойынша түсірілген. Фильмді режиссер-аниматор – Тұрдыбек Майдан және Тілек Төлеуғазы.Екі жыл көлемінде жасалған бұл мультфильмде қырыққа жуық анимация маманы жұмыс істеген. Ұзақтығы 65 минут болатын жобада 2D және 3D форматта жасалған және әр секундында 24-25 кадр сурет салынған. Кейіпкерлерді дыбыстауға Ержан Жарылқасынұлы, Жанат Тыныбаев, Самат Қордабай, Төлебаев Ерғали Дүйсенұлы, Алма Әділқызы есімді театр және кино актерлері қатысқан. 

«Мұзбалақ» осыған дейін жасалған «Тастүлек» қысқа метрлі мультфильм негізінде жасалған.

Сюжетте ерте заманда адамдар кесірінен жер астындағы айдаһарға айналап келе жатқан абжылан оянып, жер бетіне шығып, маңайын жалмап, қазақ ауылына үлкен апат әкеліп, үрей туғызады. Ол ауылды отқа орап, қарсы келгенді жалмап келе жатқанда, бір қыран бүркіт балапанын қорғап, онымен айқасады. Ақыры абжылан қайта жер астына қашып жоқ болады. Ал қыран отқа оранған ұядан балапанын алып, алысқа ұшып кетеді. Адам жұтып дәніккен абжылан күн тұтылып, өзінің айдаһарға айналар сәтін асыға күтеді...

Айта кетейік, «Мұзбалақ» биыл көктемде прокатқа шығады деп жоспарланған.

Бұдан бөлек Күлтегін туралы тағы бір анимациялық картина прокатқа әзірленіп жатыр.

Пікір жазу