Мархаба Сәбиева сәтсіз туындысын Мақпал Исабековаға сыйлады

Отандық әнші Мархаба Сәбиева "Аялдама" атты әнін Мақпал Исабековаға тарту етті, деп хабарлайды НТК арнасының "Ревю" бағдарламасы. Ол бұрынырақта осы әнге бейнебаян түсіріп, халыққа ұсынбақ болған. Алайда, бейнебаян сапасыз шығып, әнші оны телеарнаға шығармауды жөн көреді.

Кейін әншінің бұл туындысына Мақпал Исабекова құда түседі. Көп ойланбай Мархаба әріптесіне осы әнді тарту еткен.

Айта кетейік, әнші бұл әнмен Turkvızyon халықаралық ән байқауының іріктеуіне қатысқан болатын. Алайда, бұл ән оған жеңіп шығуға мүмкіндік бермеді.

Мархаба Сәбиева жақында авторлық өзге туындысына бейнебаян түсірді. Әннің аты - "My махаббат". Бірінші сөзі ағылшынның "Менің" сөзін білдіреді. Әнші осылайша әннің өзгешелігін көрсеткісі келген.

#MyMahabbat

Видео опубликовано 🔴Marhaba Sabi (@marhaba_official)